Sagan endalausa.....................

Litla hugmyndin um óbeislaða fegurðarsamkeppni, sem við vinirnir fengum og ákváðum að nota, er endalaust að gefa til baka og sagan heldur áfram.  

Í DV á helginni skrifar blaðakona um ferð sína á Ísafjörð fyrir skömmu og hvernig hún sá óbeislaða fegurð í öllu sem á vegi hennar varð.

Nokkrar staðreyndarvillur voru í frásögn hennar en það er bara skemmtilegra.

Hún húkkaði sé far frá flugvelli í bæinn og fór í Gamla bakaríið og fylgdist með manni á tali við afgreiðslukonuna sem var um sextugt líklega dönsk og tók þátt í óbeislaðri fegurð. En keppnin var sýnd í sjónvarpinu kvöldið áður. Keppendur þurftu að vera 40+ og urðu að eiga börn.  Svo hélt hún áfram ferð sinni um bæinn og hitti Matthildi sem einnig hafði tekið þátt í keppninni og verið töluvert áberandi í myndinni.  Svo fór þessi kona á bókasafnið og þaðan í leigubíl inn á flugvöll og þar hitti hún Mugison og Mugipabba og sá að sjálfsögðu mikla óbeislaða fegurð í þeim. Þessi blaðakona tók það sérstaklega fram hve stolt hún væri af því að vera ættuð að vestan. 

Skemmtileg grein sem ég hvet alla þá sem eiga helgarblað DV að lesa.

Athugasemdir

[Ásthildur Cesil Þórðardóttir, 30.11.2007 kl. 13:19]

Nú þarf ég að kaupa helgarblað DV.